ТОШКЕНТ, 26 фев — Sputnik. Бугун кундуз куни Ўзбекистон бўйича ёғингарчилик кутилмайди, фақат Сурхондарё вилоятида эрталаб баъзи жойларда бироз ёмғир ёғиши мумкин. Бу ҳақда Ўзгидромет хабар берди.
Баъзи жойларга туман тушиши мумкин. Шамол 7-12 м/с тезликда эсади, шимолда ва чўл ҳудудларида баъзи жойларда 15-18 м/с гача кучайиши мумкин. Ҳарорат 7-12° илиқ бўлади.
Пойтахтда ёғингарчилик кутилмайди. Шамол 3-8 м/с тезликда. Ҳарорат 8-10° илиқ бўлади.
Тоғолди ва тоғли ҳудудларда Қашқадарё, Сурхондарё, Фарғона вилоятларида баъзи жойларда ёғингарчилик (ёмғир, қор) бўлиши мумкин. Қор кўчиши хавфи бор. Баъзи жойларга туман тушиши мумкин. Шамол 7-12 м/с тезликда эсади. Ҳарорат 2-7° илиқ бўлади.