ТОШКЕНТ, 21 фев — Sputnik. Миср компаниялари Ўзбекистонда қўшма лойиҳаларни ишлаб чиқишга тайёр. Бу ҳақда президент Шавкат Мирзиёевнинг Миср Араб Республикаси етакчи компаниялари раҳбарлари билан учрашуви чоғида маълум қилинди.
Учрашувда Ўзбекистон ва Миср ўртасидаги ишбилармонлик ва тадбиркорлик алоқаларини кенгайтириш масалалари кўриб чиқилди.
Ўзбекистон президенти Миср ишбилармон доиралари вакиллари билан учрашди
© Пресс-служба президента Узбекистана
Шавкат Мирзиёев ўз сўзида куни кеча бўлиб ўтган Ўзбекистон-Миср бизнес форумининг якунида умумий қиймати 1,6 миллиард долларлик 20 дан зиёд битим ва шартномалар имзоланганини қайд этди.
Энергетика, электротехника, кимё, тоғ-кон, тўқимачилик, қишлоқ хўжалиги, фармацевтика, чарм-пойабзал тармоқларида саноат кооперацияси учун кенг имкониятлар мавжудлиги қўшимча қилинди.
Ўзбекистон президенти Миср ишбилармон доиралари вакиллари билан учрашди
© Пресс-служба президента Узбекистана
“Миср компанияларига мамлакатимизда катта инвестиция дастурларини биргаликда амалга ошириш учун барча имкониятлар очиқ”, - деди Шавкат Мирзиёев.
Таъкидланишича, Мисрнинг “Elsewedy Electric” компанияси шамол ва қуёш электр станцияларини қуриш, трансформаторлар, кабель-сим маҳсулотлари ва қўшимча қисмларни ишлаб чиқариш бўйича қўшма лойиҳаларни ишлаб чиқишга тайёр.
Шунингдек, “Orascom Construction” Ўзбекистонда индустриал парк яратган ҳолда унинг ҳудудида лок-бўёқ маҳсулотлари ва қурилиш материаллари учун кимёвий моддалар ишлаб чиқариш қувватларини ташкил этиш ҳамда 100 МВт қувватли шамол электр станциясини қуришдан манфаатдор эканини билдирди.
Ўзбекистон президенти Миср ишбилармон доиралари вакиллари билан учрашди
© Пресс-служба президента Узбекистана
Иштирокчилар Мисрнинг йирик сармоядорлари Ўзбекистонни Марказий Осиё бозорларига чиқиш учун кўприк сифатида кўраётганларини қайд этишди.