ТОШКЕНТ, 18 фев — Sputnik. Ички ишлар вазири Пўлат Бобожонов Ўзбекистон волейбол федерацияси раиси лавозимига сайланди. Бу ҳақда Миллий олимпия қўмитаси хабар берди.
Бугун Ўзбекистон волейбол федерациясининг навбатдан ташқари ҳисобот-сайлов конференцияси бўлиб ўтди. Унда Ички ишлар вазири, генерал-лейтенант Пўлат Бобожонов федерация раиси лавозимига сайланди.
Эслатиб ўтамиз, ўтган йилнинг февраль ойида Абдуқодир Тошқулов Ўзбекистон волейбол федерациясининг президенти этиб сайланган эди.