ТОШКЕНТ, 15 фев - Sputnik. Артемовскдан давлат органларининг архив ҳужжатларини олиб чиқиш бошланди, деб ҳабар қилди Украинанинг "Strana..ua" нашри.
Кўнгиллилар томонидан суратга олингани видеода шаҳар таълим бўлими архивидаги қоғозлар папкалари микроавтобусга ортилгани акс этган. Уларни синган дераза орқали фургонга ортишмоқда.
Шунингдек, бугун эрталаб ЛХР милицияси истеъфодаги подполковниги Андрей Марочко ўз манбаларига таяниб, Артемовск яқинида жойлашган Часов Яр шаҳридан давлат идоралари ва корхоналарини эвакуация қилиш бошланганини айтди. Бундан ташқари, маҳаллий аҳоли ҳам турар жойларини тарк этмоқда.
ДХР раҳбари вазифасини бажарувчи Денис Пушилин Россия қўшинлари Парасковиевка ҳудудида жанг қилаётганини айтuган эди. Ушбу аҳоли пунктининг озод этилиши Артемовскдаги Украина қўшинлари учун охирги таъминот йўли - Часов Яр орқали ўтган йўлни тўсиб қўяди.
Эслатиб ўтамиз, Артёмовск - ДХРнинг Горловка шимолидаги Киев назорати остидаги қисмида жойлашган. Бу Донбассдаги Украина қуролли кучларини таъминлаш учун муҳим транспорт маркази ҳисобланади.