ТОШКЕНТ, 11 фев — Sputnik. Зарафшон миллий табиат боғида Қизил китобга киритилган Кесселринг савринжон гуллари очилди. Бу ҳақда Табиат ресурслари вазирлиги Самарқанд вилояти бошқармаси хабар берди.
Зарафшон миллий табиат боғи ҳудудларида февраль ойининг биринчи ўн кунлигидан Кесселринг савринжоннинг гуллаш даври бошлангани қайд этилди.
Кесселринг савринжон
© Зарафшон миллий табиат боғи
Кесселринг савринжони Ўзбекистон Қизил китобига киритилган. Уни йиғиш, ўсадиган жойларда чорва молларини боқиш ва ер қазиш ишларини амалга ошириш тақиқланади.
Эслатиб ўтамиз, аввалроқ Зарафшон миллий табиат боғи, Сурхон давлат қўриқхонаси ва Самарқанд вилоятининг тоғли ҳудудларида баҳорий гуллар очилган эди.