ТОШКЕНТ, 31 янв — Sputnik. Қорақалпоғистон Республикаси Нукус туманидаги уйда газ-ҳаво аралашмасининг чақнаши содир бўлди. Бу ҳақда Фавқулодда вазиятлар вазирлиги хабар берди.
Ҳодиса бугун, 31 январь куни, соат 07:55 ларда туманнинг "Оқтерак" МФЙдаги икки қаватли уйда рўй берган. Ҳодиса жойига зудлик билан туман ФВ бўлими ёнғин-қутқарув экипажлари етиб борган.
Чақнаш оқибатида 4 киши турли даражада тан жароҳати олган. Улар Нукус тумани тиббиёт бирлашмасига ётқизилган.
Ҳозирда чақнашнинг сабаби ва зарар миқдори аниқланмоқда.
Ҳолат юзасидан дастлабки тергов олди суриштирув ишлари олиб борилмоқда.