ТОШКЕНТ, 30 янв — Sputnik. Aпрель ойи охирида Тошкентда бўлиб ўтадиган “Иннопром. Марказий Осиё” кўргазмаси учун майдоннинг қарийб 80 фоизи банд қилинди. Бу ҳақда тадбир ташкилий қўмитаси хабар берди.
24-26 апрель кунлари Тошкентдаги “Ўзэкспомарказ”да “Иннопром. Марказий Осиё” халқаро саноат кўргазмаси бўлиб ўтади.
Қайд этилишича, ҳозирда кўргазма ўтказиладиган майдоннинг қарийб 80 фоизи банд қилинган.
Кўргазмада, хусусан, Ўзбекистон, Россия, Беларусь, Марказий Осиё давлатлари ўз экспозицияларини намойиш этади. Бундан ташқари, Россия саноат ва савдо вазирлиги томонидан инновацион саноат маҳсулотлари стенди тақдим этилади.
Маълумот учун, 2021 йилда Тошкентда Россиядан ташқарида биринчи марта “Иннопром” кўргазмаси ўтказилган. Ўтган йилнинг апрель ойида форум “Иннопром. Марказий Осиё” форматида бўлиб ўтган. Унда Россия, Ўзбекистон, Aрманистон, Беларусь, Тожикистон, Қозоғистон, Қирғизистон, шунингдек, Венгрия, Италия, Франциядан келган иштирокчилар ўз маҳсулотларини намойиш этган.