ТОШКЕНТ, 22 янв — Sputnik. Нидерландия мезбонлик қилаётган "Tata Steel Chess-2023" шахмат мусобақасида Нодирбек Абдусатторов ҳиндистонлик Эригаиси Аржун устидан ишончли ғалабага эришди.
Бу билан ўзбекистонлик шахматчи "Master" гуруҳидаги пешқадамлигини мустаҳкамлади. Энди унинг ҳисобида 7 турдан сўнг 5.5 очко мавжуд.
Шунингдек, "Chellenjer" гуруҳида қатнашаётган Жавоҳир Синдоров ҳам навбатдаги ютуққа эришди. Жавоҳир мезбон Элин Роберсни мағлуб этиб, очколарини 5 тага етказиб олди.
Абдусатторов мусобақа давомида венгриялик Рихард Раппорт, эронлик Парҳам Мақсудлуни мағлуб этиб, америкалик Фабиано Каруана ва ҳиндистонлик Доммаржу Гукеш билан дуранг ўйнаган эди. Куни кеча жаҳон чемпиони Магнус Карлсенни мағлуб этганди. Бундан ташқари, у ҳиндистонлик Рамешбабу Прагнанандаа билан дуранг қайд этган.
"Masters" гуруҳида яна 6 та тур ўтказилади. Турнир 29 январгача давом этади.