ТОШКЕНТ, 22 янв — Sputnik. Ғарбнинг Киевга ҳужумкор қурол-яроғларни етказиб бериши глобал ҳалокатга ва Россиянинг янада кучли қуролни қўллаб жавоб қайтаришига олиб келади. Бу ҳақда Россия Давлат думаси раиси Вячеслав Володин маълум қилди.
“Киев режимига ҳужумкор қурол-яроғ етказиб берилиши ҳалокатга олиб келади. Агар Вашингтон ва НАТО мамлакатлари улар тинч шаҳарларга зарба бериш ва ҳудудимизни эгаллаб олишга уриниш учун фойдаланадиган қурол-яроғ етказиб беришса, улар таҳдид этаётгандек, - бу янада кучли қуролдан фойдаланган ҳолда жавоб чораларига олиб келади”, - дея ёзди Володин ўзининг Telegram-каналида.
У АҚШ Конгресси аъзолари, бундестаг, Франция миллий йиғини ва бошқа Европа парламентлари депутатлари “инсоният олдидаги жавобгарликларини англашлари даркор” эканини қайд этган.
“Россия қуролининг технологик устунлигини инобатга олиб, бундай қарорларни қабул қилаётган хорижлик сиёсатчилар тушунишлари зарур: бу уларнинг мамлакатларини йўқ қилувчи дунё миқёсидаги фожиа билан якунланиши мумкин”, - дея қўшимча қилган Россия Давлат думаси спикери.
Сиёсатчининг сўзларига кўра, бошқа давлатларнинг “ядровий давлатлар илгари маҳаллий можароларда оммавий қирғин қуролидан фойдаланишмагани ҳақидаги аргументлари асоссиз”.
“Чунки бу давлатлар улар фуқаролари хавфсизлиги ва мамлакатлари ҳудудий яхлитлиги таҳдидига дуч келишмаганди”, - дея тушунтирган Володин.