ТОШКЕНТ, 4 янв — Sputnik. Бугун Ўзбекистонда ҳаво ўзгариб туради, Тошкент вилоятида ва Фарғона водийси вилоятларида эрталаб баъзи жойларда ёғингарчилик (ёмғир, қор) бўлади. Бу ҳақда Гидрометеорология хизмати маркази хабар берди.
Республиканинг қолган ҳудудларида ёғингарчилик кутилмайди. Шамол ғарбдан 7-12 м/с тезликда эсади, баъзи жойларда 17-22 м/с гача кучаяди. Ҳарорат +5...+10 даража бўлади.
Тошкентда ҳаво ўзгариб туради, эрталаб бироз ёмғир ёғиши мумкин, кундузи ёғингарчилик кутилмайди. Шамол шарқдан 5-10 м/с тезликда эсади. Ҳарорат +8...+10 даража бўлади.
Республиканинг тоғли ҳудудларида ҳаво ўзгариб туради, айрим жойларда вақти-вақти билан ёғингарчилик (ёмғир, қор) баъзи жойларда кучли бўлади. Йўлларда баъзи жойларда яхмалак юзага келади. Шамол ғарбдан 7-12 м/с тезликда эсади, баъзи жойларда 15-20 м/с гача кучаяди. Ҳарорат 0...-5 даража бўлади.