ТОШКЕНТ, 13 дек — Sputnik. Венгрия ташқи иқтисодий алоқалар ва ташқи ишлар вазири Петер Сийярто Россияга қарши санкцияларнинг тўққизинчи тўплами Европа Иттифоқидаги вазиятни янада ёмонлаштиришини маълум қилди. Бу ҳақда у ўзининг ижтимоий тармоқларида ёзди.
“Санкциялар боши берк йўл экан ва улар ҳаммага жиддий зарар етказяпти, аммо, Европа, афсуски, ҳалигача бу сиёсатдан воз кечмади”, - дея таъкидлаган Сийярто.
Унинг сўзларига кўра, муҳокама қилинаётган чекловларнинг тўққизинчи тўплами “равшанки, Европадаги вазиятни янада ёмонлаштиради”.
“Олдинги санкцияларнинг саккизта тўпламидан кўрдикки, улардан ҳар бири бу санкциялар киритилган шахслардан кўра, бизга, европаликлар кўпроқ зарар келтирди”, - деган Венгрия ТИВ раҳбари.
У жорий қилинган санкциялар Украинадаги можарони тугатишга яқинлаштирмагани, аксинча ЕИ мамлакатлари учун муаммо ва қийинчиликлар туғдирганини қайд этган.
Эслатиб ўтамиз, Украинада махсус операция бошланганидан сўнг АҚШ бошчилигида Ғарб давлатлари Москвага нисбатан санкциялар босимини кескин кучайтирди. Россия экспорти соҳаси, банк ва бошқа соҳаларига нисбатан кескин санкциялар жорий этилди. Лекин ўтган вақт давомида улар кетилган натижага олиб келмади, рубль қуламади, Россия иқтисодиёти барбод бўлмади. Европа ва АҚШда эса санкциялар оқибатида электр энергияси, ёқилғи ва озиқ-овқат нархларининг ошди.
Россия президенти Владимир Путин Россияни жиловлаш ва заифлаштириш сиёсати Ғарбнинг узоқ муддатли стратегияси эканлигини ва чекловлар бутун дунё иқтисодиётига жиддий зарба берганини айтди. Россия раҳбарининг сўзларига кўра, АҚШ ва унинг иттифоқчиларининг асосий мақсади - дунёда миллионлаб одамлар ҳаётини ёмонлаштиришдир.