ТОШКЕНТ, 12 дек - Sputnik Украина ҳаво ҳужумига қарши мудофаа тизимлари баллистик ракеталарни уриб туширишга қодир эмас, дея ёзади “Вести.ua” газетаси мамлакат ҳаво кучлари қўмондонлиги вакили Юрий Игнатга таянган ҳолда.
“Қуролларимиз сафида бўлган ҳавога қарши ҳужум тизимларимиз баллистика ракеталарига зарба бера олмайди. Шу боис, бу ракеталарни йўқ қилишнинг энг самарали усули фақат улар турган жойга зарба бериш”, - дейди у.
Россия 24 февралдан буён Украинада махсус ҳарбий операция олиб бормоқда. Россия президенти Владимир Путин унинг асосий вазифасини “Киев режими томонидан саккиз йил давомида таҳқирлаш, геноцидга учраган одамларни ҳимоя қилиш” деб атаган. Мамлакат Қуролли кучлари олдида Донбассни озод қилиш ва Россия хавфсизлигини кафолатлаш турибди.