ТОШКЕНТ, 10 дек — Sputnik. Улуғбек Рашитов Саудия Арабистонида бўлиб ўтган таэквондо WТ бўйича якуний Гран-прининг кумуш медаль совриндорига айланди. Бу ҳақда Миллий олимпия қўмитаси хабар берди.
Саудия Арабистонида таеквондо WТ бўйича йилнинг якуний Гран-при мусобақаси ўз якунига етди. Унда иштирок этган Улуғбек Рашитов -68 кг вазн тоифасида кумуш медалга сазовор бўлди. У финалда иорданиялик Заид Каримга 1:2 ҳисобида имкониятни бой берди.
Рашитов ушбу натижа эвазига ўз ҳисобига Париж-2024 Олимпиадаси учун 60 очкони қўшиб қўймоқда.
Улуғбек Рашитов
© Миллий олимпия қўмитаси
Эслатиб ўтамиз, Рашитов Улуғбек Рашитов чорак финалда швециялик Али Алианга қарши баҳс олиб борганди. Барча раундларда ўзининг яққол устунлигини намойиш эта олган Рашитов 2:0 ҳисобида ғалаба қозонди ва олтин медал сари яна бир қадам ташлади.
У эркаклар ўртасидаги -68 кг вазн тоифасининг ярим финалида британиялик Бредли Синденга қарши даянга чиқди. Рашитов ўз устунлигида ўтказган баҳсни рақамларда ҳам кўрсата олди ва 2:0 ҳисобида ғалаба қозонди.