ТОШКЕНТ, 5 дек — Sputnik. Фавқулодда вазиятлар вазирлиги қутқарувчилари Тошкент вилоятининг тоғли ҳудудларида оғир аҳволга тушиб қолган фуқароларга ёрдам кўрсатишди.
Маълум бўлишича, 4 декабь куни 3 нафар фуқаро Хўжакент қишлоғи ҳудудида жойлашган тоғларга чиқиш мақсадида Тошкент вилоятининг Бўстонлиқ туманига боришган.
Денгиз сатҳидан 1700 метр баландликда саёҳатчилардан бирининг соғлиғи кескин ёмонлашиб қолади. Ўзлари пастга туша олмай, Тошкент вилояти ФВБдан амалий ёрдам сўраган.
Қутқарувчилар зудлик билан айтилган манзилга етиб бориб, жабрланувчига биринчи тиббий ёрдам кўрсатган ва саёҳатчиларни пастга туширишган.
Тошкент вилоятининг Бўстонлиқ тумани
© Фавқулодда вазиятлар вазирлиги
Қайд этилишича, уларнинг аҳволи яхши бўлганлиги сабабли касалхонага ётқизилмаган.