ТОШКЕНТ, 30 ноя — Sputnik. Наманган халқаро аэропортида қалин туман туфайли кўринишнинг ёмонлиги (200 м) сабаб рейсларни қабул қилиш ва жўнатиш вақтинча чекланди. Иккита рейс муқобил аэродромларга юборилди, деб хабар бермоқда “Uzbekistan Airports” АЖ матбуот хизмати.
Маълум қилинишича, ноқулай об-ҳаво шароити туфайли “Uzbekistan Airways” авиакомпаниясининг Красноярск — Наманган йўналиши бўйича HY9824 рейси маҳаллий вақт билан соат 07:23 да Тошкент аэропортига қўнган. Самолёт яқин вақтда об-ҳаво яхшиланиши билан Тошкентдан Наманганга, у ердан эса Уфага учиш кутилмоқда.
"Red Wings" авиакомпаниясининг Екатеринбургдан Наманганга учаётган WZ1127 рейси соат 09:47 да Фарғонага қўнган.
HY9858/073 Уфа — Наманган — Бухоро (тахминий келиш вақти — соат 14:30), HY74/47 Бухоро — Наманган — Самарқанд (келиш — соат 19:05), HY48 Самарқанд — Наманган (келиш вақти — соат 23:00) рейслари ҳам об-ҳаво шароити туфайли кечиктирилиши кутилмоқда.