ТОШКЕНТ, 25 ноя - Sputnik Хитойнинг "Гуаньча" портали ўқувчилари Германия собиқ канцлери Ангела Меркелнинг Украинада махсус операция бошланмасдан аввал Россия билан мулоқот қилишига йўл қўйишмагани ҳақидаги гапларига ўз фикрларини билдиришган.
Изоҳ қолдирганларнинг айтишларича, Меркель нафақат Германия, балки бутун дунё манфаатлари йўлида ҳаракат қилган. Бироқ, унинг позициясини қабул қилишмаган. Ҳозирги ҳукумат эса ушбу муаммоларнинг оқибатларига дуч келишмоқда
"Нодон немислар! Меркель уларда хотиржам ҳаёт бўлиши учун курашган, немис иқтисодиёти ўсишини таъминлади. Унинг кетганидан икки ой ўтиб можаро бошланди, немис саноати осмонларда жаҳаннамга тушди, корхоналар ёпилди, одамлар ҳаттоки оддий ювиниш имкониятларидан маҳрум бўлишди, энди эса совуқдан дийдираб ўтиришибди. Тентак, қўлидан бир иш келмайдиган ҳукумат энди Меркелдан шикоят қиляптими? Ҳаттоки унинг пойабзалига қўл теккизишига уларнинг ҳақлари йўқ", - дея ёзиб қолдирган Жу Хай Цаншань 2 исмли фойдаланувчи.
"Ҳанузгача ғарбий Европадаги энг катта сиёсатчи. Меркель кетганидан сўнг Европа оламида фақат сиёсатдонлар қолди холос", - дейди Чжунхуа Бань Чжуань Ту.
"Немислар уларнинг ерларида Ғарбдан мустамлакачилар ҳамон борлигини кўрмаганга олишяпти", - дейди Шуан Янпи.
"Айтиш мумкинки, немис халқи Меркель даражасидаги бошқарувга лойиқ эмас, яшиллар партиясидаги масхарабозлар- мана немислар лойиқ кўрилган ҳукумат", - дея ўз фикрини билдирган Hmmmm номидаги фойдаланувчи.
Германиянинг собиқ канцлери Эммануэль Макрон билан 2021 йилда Россия президенти Владимир Путин билан мулоқот қилиш учун ЕИ Кенгашида Европа музокаралар форматини яратишни режалаштирганини, бироқ унинг ташаббусига қарши чиқишганини маълум қилди.
16 йилдан ортиқ Германияга раҳбарлик қилган Ангела Меркель 2021 йил декабрда истеъфога чиқди. Ундан сўнг Олаф Шольц мамлакат канцлерига айланди.