ТОШКЕНТ, 20 ноя — Sputnik. Киевнинг янада заифлашиши билан Америка Қўшма Штатлари Польшани Украинага қўшин юборишга мажбур қилиши мумкин. Бу ҳақда польшалик сиёсатшунос Лешек Сикульский таъкидлаган.
“Aгар Украина кучсизланса, америкаликлар Киевга бевосита ёрдам бериш учун Польша ҳукуматига босим ўтказади. Ўзингизга савол беринг, биз буни хоҳлаймизми, бугун урушга киришга тайёрмизми”, - дейилади хабарда.
Олимнинг сўзларига кўра, Варшава Шарқдаги жанговар ҳаракатларда иштирок этишга ҳозирданоқ тайёргарлик кўра бошлаган. Унинг сўзларига кўра, буни мамлакатда қабул қилинган қонун ҳужжатлари ҳам тасдиқлайди.
“Ватанни ҳимоя қилиш тўғрисида”ги қонун кучга кирди. Бу қонун шошилинч ҳарбий хизматни тиклайди ва, албатта, назарий жиҳатдан аёллар учун мажбурий ҳарбий хизматни жорий қилади”, - дейди сиёсатшунос.
Россия 24 февралдан бери Украинада ҳарбий махсус операция ўтказмоқда. Владимир Путин унинг вазифаси “саккиз йил давомида Киев режими томонидан безорилик ва геноцидга учраган одамларни ҳимоя қилиш” эканини айтган. Путиннинг сўзларига кўра, операциядан асосий мақсад Донбассни озод қилиш ва Россиянинг ўзи хавфсизлигини кафолатлайдиган шарт-шароитларни яратишдир.
Путин НAТО қўшинлари Россия армияси билан тўқнашса, жиддий оқибатларга олиб келиши ҳақида бир неча бор огоҳлантирган. У воқеаларнинг бундай ривожи глобал фалокатга олиб келишини таъкидлаган, лекин Ғарб етакчиларининг эҳтиёткорлигига умид билдирган.