ТОШКЕНТ, 15 ноя - Sputnik. Буюк Британиянинг Лидс шаҳрида яшовчи 11 ёшли ўсмир Юсуф Шоҳ 18 ёшгача бўлганлар учун Менс IQ тестида максимал балл тўплади ва ақл-заковат бўйича Стивен Хокинг ва Альберт Эйнштейн каби назарий физик олимлардан ўзиб кетди. Бу ҳақда “Metro” нашри хабар бермоқда.
Газетанинг ёзишича, Юсуфни имтиҳондан ўтишга доим уни жуда ақлли деб айтган дўстлари илҳомлантирган. Бола бу ҳақиқатан ҳам шундайми ёки йўқлигини текширишга қарор қилган. Қайд этилишича, унинг натижаси Хокинг ва Эйнштейнникидан бир поғона юқори бўлган.
Ўсмир ўзининг ютуғини ота-онаси ва акалари билан ресторанда нишонлади. Қаҳрамоннинг онаси унинг ютуқларидан жуда фахрланишини айтиб, ҳазил тариқасида “унинг дадаси ақллироқ” эканини таъкидлаган.
“Биз бахтлимиз, лекин содир бўлган воқеани енгил қабул қиламиз. Мен ҳар доим ўғлимга айтаман: “Агар сен истеъдодли бўлсанг ҳам, барибир энг меҳнаткаш бўлишинг керак”, - дейди у.
Ота-оналарнинг айтишича, улар Юсуфни имтиҳонга тайёрламаган. Бола учун бу синов осон эмаслигини тушуниб, улар ўзларини одатдагидек тутишда давом этишган.
Келажакда Шоҳ Оксфорд ёки Кембрижда математика бўйича ўқишни орзу қиляпти.