ТОШКЕНТ, 12 ноя — Sputnik. Тошкентда ҳавонинг ифлосланиш даражаси яна ошиб кетди. Бу заиф гуруҳлар учун зарарли, дея хабар бермоқда пойтахт ҳокимлиги.
Шаҳар ҳокимлиги Тошкент ҳавосининг тозалик кўрсаткичларини эълон қилди. Унга кўра пойтахтдаги тозалик даражаси кўрсаткичлари ўзгарган.
Тошкентда ҳавонинг ифлосланиш даражаси яна ошиб кетди
© Тошкент шаҳар ҳокимлиги
Ҳозирда, ҳавоснинг тозалик кўрсаткичлари Гидрометереология хизмати марказига тегишли бўлган Horiba русумли иккита ҳаво сифатини аниқлаш станциясидан олинмоқда.
Эслатиб ўтамиз, 17 октябр куни 18:00 дан 23:00 гача Тошкент шаҳри атмосфера ҳавоси майда чанг заррачалари билан ифлосланиши кучайганди. Бунга узоқ вақт давомида ёғингарчиликнинг бўлмагани ва ҳаво ҳароратининг инверсияси сабаб бўлган.
Тошкентда ҳафта давомида ёғингарчилик кутилмади. Ўзгидромет прогнозларига кўра, дам олиш кунлари ҳам Ўзбекистон бўйича ёғингарчилик кутилмайди, фақат Қорақалпоғистон Республикасида кечга томон баъзи жойларда ёмғир ёғади.