ТОШКЕНТ, 7 ноя - Sputnik. Кекса ёшли йўловчилар учун ноябрь ойида авиачипталарга 25 фоиз чегирма берилади. Бу ҳақида “Uzbekistan Airways” хабар қилмоқда.
"Ноябрь ойи “Кексалар туризми ойи” ҳисобланиши муносабат билан эконом-класс (К-класс ва ундан юқори) тарифларига 25 фоиз чегирмаларни тақдим этади", - дейилади хабарда.
Чегирма 60 ёшдан ошган эркаклар ҳамда 55 ёшдан юқори аёллар учун 2022 йилнинг 1 ноябридан 30 ноябригача амалга ошириладиган парвозларда амал қилади. Авиачипта харид қилиш жараёнида фуқароларнинг ёнида албатта паспорт ёки ID карта бўлиши лозим.
Чегирма “Uzbekistan Airways Sales” филиалида ёки авиакомпаниянинг Ўзбекистондаги агентлари томонидан тақдим этилади.