ТОШКЕНТ, 14 окт — Sputnik. Бугун ва дам олиш кунлари Ўзбекистон ҳудудига илиқ ва қуруқ ҳаво массаси кириб келиши давом этади. бу ҳақда Ўзгидромет хабар берди.
Қайд этилишича, фақат мамлакатнинг шимолий ҳудудларига Каспий денгизи ҳудудларидан булутли массивлар кириб келишида 15 октябрь куни беқарор об-ҳаво бўлиши кутилмоқда, баъзи жойларда ёмғир ёғади.
Кундузги ҳаво ҳарорати ушбу куннинг ўртача меъёрий қийматларидан кўп бўлади ва 26...29 даражани ташкил этади.
Шимолда ва чўл ҳудудларда 16 октябрь куни баъзи жойларда шамол 15-20 м/с гача кучайиши, айрим жойларда чанг-тўзонлар кузатилиши эҳтимоли бор.