ТОШКЕНТ, 15 сен — Sputnik. Хитой Россия билан биргаликда дунёни барқарор ривожланиш траекториясига олиб чиқишга тайёр. Бу ҳақида Россия президенти Владимир Путин билан учрашувда Хитой Халқ Республикаси раиси Си Цзиньпин маълум қилди.
“Биз россиялик ҳамкасбларимиз билан масъулиятли жаҳон давлати намунасини кўрсатишга ва шундай тез ўзгариб бораётган дунёни барқарор ва ижобий ривожланиш йўлига олиб чиқишда етакчи рол ўйнашга тайёрмиз”, - деди Хитой етакчиси.
Шунингдек, у Путин билан халқаро кун тартиби ва томонларни қизиқтирган масалалар юзасидан фикр алмашишга тайёрлигини билдирди.
Ўз навбатида, Россия президенти Москва ва Пекин ташқи сиёсати тандеми глобал ва минтақавий барқарорликни таъминлашда муҳим рол ўйнашини таъкидлади.
“Москва ва Пекин ташқи сиёсати тандеми глобал ва минтақавий барқарорликни таъминлашда муҳим рол ўйнайди. Биз биргаликда халқаро қоидалар ва БМТнинг марказий ролига асосланган адолатли, демократик ва кўп қутбли дунё тартибини шакллантириш тарафдоримиз”, - деди Путин.