ТОШКЕНТ, 15 сен — Sputnik. 14 сентябрь куни Ўзбекистон Республикаси президенти Шавкат Мирзиёевнинг таклифига биноан Хитой Халқ Республикаси Раиси Си Цзиньпин давлат ташрифи билан Самарқандга келди.
Самарқанд халқаро аэропортида Хитой етакчисини президент Шавкат Мирзиёев кутиб олди.
Миллий куй-қўшиқлар, рақслар ижро этилди.
Ташрифнинг асосий тадбирлари 15 сентябрь кунига мўлжалланган. Бугун олий даражадаги Ўзбекистон-Хитой музокаралари бўлиб ўтади.
Аввал хабар қилинганидек, Хитой Раиси 16 сентябрь куни Шанхай ҳамкорлик ташкилоти Давлат раҳбарлари кенгашининг навбатдаги мажлисида иштирок этади.