ТОШКЕНТ, 15 сен — Sputnik. Президент Шавкат Мирзиёев Шанхай ҳамкорлик ташкилоти саммитида иштирок этиш учун мамлакатга келган Беларусь Республикаси президенти Александр Лукашенко билан учрашув ўтказди.
Томонлар икки мамлакатда савдо уйлари ва логистика марказлари тармоғини кенгайтириш, озиқ-овқатни тезлаштирилган тарзда етказиб бериш бўйича “Агроэкспресс” лойиҳасини ишга тушириш, товарларнинг келиб чиқишини сертификатлаштириш бўйича электрон тизимни жорий қилишга келишиб олдишди.
Ўзбекистон ва Беларусь етакчилари машинасозлик, агросаноат, кимё, фармацевтика ва электротехника тармоқларида саноат кооперацияси бўйича ўзиро манфаатли шерикликни илгари суриш зарурлигини қайд этишди.
Президент Республики Узбекистан Шавкат Мирзиёев провел встречу с Президентом Республики Беларусь Александром Лукашенко.
Давлат раҳбари Ўзбекистонда иккинчи Ҳудудлараро форумни ўтказишни таклиф этди.
Президент Республики Узбекистан Шавкат Мирзиёев провел встречу с Президентом Республики Беларусь Александром Лукашенко.
Маълумот учун, икки мамлакат ўзаро савдо-иқтисодий ҳамкорлик фаоллашган. Товар айирбошлаш ўтган йилда 44 фоизга, жорий йилнинг етти ойида эса яна 12 фоизга ошди.
Эслатиб ўтамиз, аввалроқ "Агроэкспресс" лойиҳаси имкониятлари асосида Беларусь бозорига ўзбек мева-сабзавотларини тўғридан-тўғри етказиб бериш йўлга қўйилиши маълум қилинганди.
Хусусан, Ўзбекистон бош вазирининг ўринбосари – инвестициялар ва ташқи савдо вазири Жамшид Ходжаев Тошкент ва Минск ҳамкорликни янада кенгайтириш мақсадида Минск шаҳрида Беларусь бош вазирининг ўринбосари Леонид Зайц билан учрашган.
Томонлар тайёр қишлоқ хўжалиги маҳсулотларини учинчи мамлакатлар бозорларига экспорт қилиш учун қўшма фермер хўжаликларини ташкил этиш, шунингдек, "Агроэкспресс" лойиҳасининг мавжуд ресурслари ва имкониятлари асосида Беларусь бозорига ўзбек мева-сабзавотларини тўғридан-тўғри етказиб беришни йўлга қўйиш масалаларига алоҳида эътибор қаратишган.