ТОШКЕНТ, 9 сен - Sputnik. Россия ҳарбийлари жанг майдонига Украина томонидан кириб келган италиялик журналистнинг ҳаётини сақлаб қолишди, деб хабар қилмоқда Мудофаа вазирлиги.
Воқеа 29 август куни Украина Қуролли Кучларининг Николаев-Кривой Рог йўналиши бўйича қарши ҳужумга муваффақиятсиз уринишлари давомида содир бўлди.
Украина ҚК ҳарбий кийимини кийган икки киши италиялик ҳарбий журналист Маттиа Сорбинини ҳарбий ҳаракталар бўлаётган ҳудудга кузатиб қўйишни ваъда беришади. Улар украина позициялари орқали фаол жанглар бўлаётган ҳудудга таксида кириб келишади.
Жанговар ҳаракатлар содир бўлаётган ҳудудга яқиндашганда украиналик ҳамроҳлар тўсатдан машинани тўхтатишни сўрашади ва ўзлари машинадан тушишади ва такси ҳайдовчисига кейинги ҳаракат йўналишини кўрсатдилар. Лекин бу йўналиш Украина қуролли кучлари томонидан миналаштирилганини яширишади.
Ҳаркатланиб келаётган машина минада портлаб кетади. Ҳайдовчи воқеа жойида қурбон бўлади, журналист Маттиа Сорби эса оғир жароҳат олади.
Фуқаролик автомобилининг минада портлатилганини кўрган россиялик ҳарбий хизматчилар Украина позицияларидан кучли ўқ узганига қарамай, олдинга силжиб, Маттиа Сорбини ёнаётган машинадан олиб чиқишади. Воқеа жойида россиялик ҳарбийлар унга биринчи тиббий ёрдам кўрсатиб, хавфсиз жойгача кўтариб боришади ва оғир яраланган журналистни шошилинч тиббий муассасага жўнатишади.
Россия Мудофаа вазирлигининг суриштириувлари ва хулосасига кўра, бу провокациянинг мақсади - журналистнинг ўлимини уюштириш ва кейинчалик Россияни бунда айблаб, Ғарб оммавий ахборот воситаларида кенг ташвиқот қилиш бўлган.
Айни пайтда кўплаб шрапнел жароҳатлари билан реанимация бўлимига ётқизилган Маттиа Сорбига зарур малакали тиббий ёрдам кўрсатилмоқда. Унинг соғлиғи барқарор.