ТОШКЕНТ, 24 авг — Sputnik. Украина қўшинлари Донецкнинг Куйбишевский ва Кировский туманларига жами олтита 152 миллиметрли калибрли снаряд ва иккита НАТО стандартидаги 155 миллиметрли калибрли снарядлардан фойдаланган ҳолда ҳужум қилди. Бу ҳақда Ўт очишни тўхтатиш тартибини назорат қилиш ва мувофиқлаштириш бирлашган маркази маълум қилган.
“Ўқ отиш қуйидаги йўналишда қайд этилган: 01:02 - Нетайлово аҳоли пункти - Донецк шаҳри (Куйбишевский тумани): 155 миллиметрли калибрли иккита снаряд отилган; 05:24: 152 миллиметрли калибрли учта снаряд отилган; 05:24 - Красногоровка аҳоли пункти - Донецк шаҳри (Кировский тумани): 152 миллиметрли калибрли учта снаряд отилган”, дейилган хабарда.
Қўшма Штатлар, Канада ва Австралия Украинага узоқ масофага учувчи ўнлаб М777 гаубицаларини етказиб берди, Украина Қуролли кучлари улардан ДХРдаги шаҳар ва аҳоли пунктларини, жумладан, Донецкни ўққа тутишда фойдаланади.
24 февралдан бери Россия Украинани денацификация ва демилитаризация қилиш бўйича ҳарбий махсус операция ўтказмоқда. Россия президенти Владимир Путин унинг вазифаси “саккиз йил давомида Киев режими томонидан таҳқирланган ва геноцидга учраган одамларни ҳимоя қилиш” деб атаган. Россия президентининг сўзларига кўра, якуний мақсад Донбассни озод қилиш ва Россиянинг ўзи хавфсизлигини кафолатлайдиган шарт-шароитларни яратишдир.
Россия армияси ДХР ва ЛХР кучлари билан биргаликда Луганск Халқ Республикасини ва Донецкнинг муҳим қисмини, жумладан Волновахани, Мариуполни ва Святогорскни бутунлай озод қилди.