ТОШКЕНТ, 21 июн — Sputnik. Россиянинг Москва биржаси 27 июндан бошлаб Ўзбекистон сўми билан савдо қилишни бошлайди.
Москва биржаси шунингдек, арман драми ва Жанубий Африка ранди бўйича ҳамсавдоларни олиб боради.
“Янги валюталар бозорнинг профессионал иштирокчилари, уларнинг мижозлари – жисмоний ва юридик шахсларнинг, шу жумладан ташқи иқтисодий фаолият субектларининг савдо имкониятларини кенгайтиради”, дейилади хабарда.
Савдо иштирокчилари ва уларнинг мижозлари қуйидаги валюта жуфтликлари учун спот ва алмаштириш воситаларидан фойдаланишлари мумкин:
Жанубий Африка ранди—Россия рубли (ZAR/RUB);
АҚШ доллари—Жанубий Африка ранди (USD/ZAR);
Арман драми—Россия рубли (AMD/RUB);
АҚШ доллари—Арман драми (USD/AMD);
Ўзбек сўми—Россия рубли (сўм/RUB).
Биржа БАА дирҳами – Россия рубли (AED/RUB) ва АҚШ доллари – БАА дирҳами (USD/AED) валюта жуфтликларида савдони бошлашни ҳам режа қилган.