ТОШКЕНТ, 2 июн — Sputnik. Мамлакатда старт олган футбол бўйича U23 Осиё кубогида Ўзбекистон терма жамоаси биринчи учрашувни муваффақиятли ўтказди. Бу ҳақда Миллий олимпия қўмитаси хабар берди.
Тошкентдаги "Пахтакор" стадионида Туркманистон U23 жамоасига қарши ўтказилган баҳсда ўзбекистонлик ёш футболчилар 1:0 ҳисобида рақибларидан устун келишди.
Ўзбекистон U-23 терма жамоаси Туркманистон устидан ғалаба қозонди
© Фото: Ўзбекистон футбол ассоциацияси
Учрашувнинг 75-дақиқасида Улуғбек Ҳошимов муаллифлик қилган гол Ўзбекистон терма жамоасига ғалаба келтирди. Унинг пеналтидан йўллаган зарбаси аниқ бўлди.
Сборная Узбекистана по футболу на матче с Туркменистаном.
© Ассоциация футбола Узбекистана
Шу тариқа Ўзбекистон U-23 Осиё Кубогини муваффақият билан бошлади. Энди Тимур Кападзе шогирдлари иккинчи ўйинни 4 июнь куни Қатарга қарши ўтказади. 7 июнь куни эса Эрон U23 жамоаларига қарши баҳс олиб борилади.
Ўзбекистон U-23 терма жамоаси Туркманистон устидан ғалаба қозонди
© Фото: Ўзбекистон футбол ассоциацияси
“Қатар ва Эроннинг ўйинларини ўрганиб чиқдик. Бу мусобақада кучсиз жамоанинг ўзи бўлмайди. Жамоага бошқа клубдан янги қўшилган йигитлар билан олдинга қўйилган вазифани уддалаймиз”, - дейди Ўзбекистон ёшлар терма жамоаси бош мураббийи Темур Кападзе ўйиндан кейин ташкил этиш матбуот анжуманида.
Ўзбекистон 1−19 июнь кунлари футбол бўйича U23 Осиё кубогига мезбонлик қилмоқда. Мусобақалар Тошкент ва Қарши шаҳридаги стадионларида бўлиб ўтмоқда. Ўзбекистон миллий жамоаси Эрон, Қатар ва Туркманистон билан А гуруҳидан ўрин олган.