ТОШКЕНТ, 15 мар — Sputnik. Россияда чет элликлар томонидан мамлакатда бўлишини қонунийлаштириш мақсадида Россия фуқаролари билан ёлғондан оила қуришлари учун жиноий жавобгарлик киритиш масаласи муҳокама қилинмоқда.
Россия ИИВ ҳозир тегишли таклифни ишлаб чиқмоқда.
Таъкидланишича, Россия фуқаролари билан сохта никоҳдан фойдаланиш ҳамда вояга етмаган болаларга ёлғондан оталик қилиш миграция соҳасидаги жиддий таҳдидлардан бири саналади.
Қайд этиш жоизки, Россия қонунчилигига кўра, мамлакат фуқаролари билан оила қурганлар фуқароликни соддалаштирилган тартибда олишга даъвогарлик қилишлари мумкин.