ТОШКЕНТ, 24 фев — Sputnik. Ўзбекистоннинг Украинадаги элчихонаси Украина олий ўқув юртларида таҳсил олаётган талабларга мурожаат қилди.
Талабалардан Ўзбекистонга вақтинчалик жўнаб кетган тақдирда ўқишларини сақлаб қолиш юзасидан саволлар келиб тушган.
Элчихона хабарига кўра, Украина Таълим ва фан вазирлиги 2022 йил 25 январь кунидаги № 1/1266 ва 15 февраль кунидаги 1/2588-22 сонли хатлари билан Украинанинг барча олий ўқув юртларига масофавий таълимни жорий этиш ва ҳар қандай ҳолатда ҳам талабаларни ўқишдан четлаштирмасликни тавсия қилган. Бу талабалар ўз хоҳиш-истаклари билан ўқишни тарк этиш ҳолатларига тегишли эмас.
Бу қоида тиббиёт соҳасида таълим олаётган талабалардан ташқари барча йўналишдаги ўқувчиларга амал қилади.
“Юқоридагиларни инобатга олган ҳолда ҳамда авиа қатновда кузатилаётган узилишлар сабабли ўзбекистонлик талабаларга ўқишни ўз Ватанларида масофавий шаклда давом эттириш имкониятларини кўриб чиқиш тавсия қилинади”, - дейилган хабарда.