ТОШКЕНТ, 1 фев — Sputnik. Тошкент шаҳар ИИББ ходимлари жамоат тартибини сақлаш, жиноятларнинг олдини олиш ва ҳуқуқбузарликлар профилактикаси мақсадида электрошокер билан таъминланишмоқда. Бу ҳақда пойтахт ИИББ матбуот хизмати хабар бермоқда.
Ички ишлар вазирининг тегишли буйруғи асосида аксарият ходимлар билан ўқув машғулотлари ўтказилган. Синов имтиҳонларини муваффақиятли топширган ходимларга сертификатлар топширилган.
Қайд этилишича, электрошокер органлари ходимининг қонуний талабларига бўйсунмаган ёки унга фаол қаршилик кўрсатган шахсларга нисбатан қўлланилиши мумкин.
Ҳуқуқни муҳофаза қилиш органлари ходимлари Ўзбекистоннинг “Қурол тўғрисида”ги ва “Ички ишлар органлари тўғрисида”ги қонунларига мувофиқ махсус воситалар, шу жумладан, электрошокер қурилмаларидан фойдаланиш ҳуқуқига эгадирлар.