ТОШКЕНТ, 23 янв — Sputnik. Туркманистон президенти Гурбангули Бердимуҳамедов республика Ўзбекистон ва Эрон орқали учинчи мамлакатларга электр энергиясини экспорт қилишнинг яхши имкониятларига эга эканини маълум қилди. Бу ҳақда РИА Новости “Нейтральный Туркменистан” газетасига таянган ҳолда хабар бермоқда.
Туркманистон етакчиси Дашогуз вилоятига ташрифи давомида мамлакатнинг электр энергиясини ривожлантириш масалаларига оид ўтказилган йиғилишда бундай фикрни билдирган.
Йиғилишда энергетика бўйича бош вазир ўринбосари Чаримат Пурчеков Туркманистон-Афғонистон-Покистон электр ўтказиш линияси қурилиши ҳамда Афғонистоннинг Мазори Шариф шаҳридан Кобулгача ўтказиш режалаштирилаётган лойиҳа ҳақида маълумот берган.
“Ҳозир туркман электр энергияси қўшниларимизга – Ислом Эрон Республикасига ва Афғонистонга”, Ўзбекистонга ҳамда Қирғиз Республикасига етказиб берилмоқда. Қолаверса, уни Ўзбекистон ва Эрон орқали учинчи мамлакатларга етказиб беришнинг катта имконияти бор”, - деган Бердимуҳамедов.
Нашрнинг ёзишича, “давлат раҳбари бош вазир ўринбосарига суръатни пасайтирмасдан, бу йўналишда олиб борилаётган ишларни давом эттиришни топширган”.