КХШТ тинчликпарвар кучлари бўлган Россиянинг сўнгги тўртта ҳарбий транспорт самолёти Қозоғистон пойтахтидан ҳавога кўтарилди.
Тинчликпарвар контингент қўмондонлигига Россия генерал-полковниги Андрей Сердюков раҳбарлик қилди.
“КХШТ Коллектив хавфсизлик кенгаши қарорига мувофиқ Қозоғистон ҳудудида ўтказилган тинчликпарвар операция якунланди. Тинчликпарвар кучлари топширилган вазифани муваффақиятли уддалади”, — деди Сердюков.
Илгарироқ Арманистон, Беларусь, Тожикистон тинчликпарвар қўшинлари Россия ҳарбий самолётларида ватанга қайтганди.
Қирғизистон қўшинлари техника ва қуроллар билан колонна таркибида республикага қайтишди.