ТОШКЕНТ, 1 янв — Sputnik. Ўзбекистонда кетма-кет учинчи кун коронавирус инфекциясидан ўлим ҳолати қайд этилмади, деб хабар бермоқда Соғлиқни сақлаш вазирлиги.
Кеча, 2021 йилнинг сўнгги кунида мамлакат 127 кишида коронавирус аниқланган. Шулардан энг кўпи Тошкент шаҳри (34), Тошкент (30), Самарқанд (14) вилоятларини қайд этилган.
Шу тариқа мамлакатда бу юқумли касаллик билан касалланганларнинг умумий сони 199 030 нафарга етган.
Кеча 206 бемор тўлиқ соғайиб кетган ва тузалганларнинг умумий сони 196 218 нафарни ташкил этмоқда.
Коронавирусдан ўлим ҳолати охирги марта 28 декабрь куни кузатилганди. 31 декабрь ҳолатига кўра, қурбонлар сони 1485 нафарлигича қолмоқда.