ТОШКЕНТ, 28 дек – Sputnik. Ўзбекистон Олмаота шаҳридаги Бош консулхонаси Олмаота-Бишкек автойўлида 33 киши, шу жумладан, мамлакат фуқароларини олиб кетаётган автобус иштирокидаги авария рўй бергани ҳақидаги ахборотни тасдиқлади.
Аввалроқ ижтимоий тармоқларда 27 декабрь куни Қозоғистонда ичида ўзбекистонликлар бўлган автобус йўл-транспорт ҳодисасига учрагани ҳақидаги хабарлар тарқалган эди. ЙТҲ оқибатида уч киши ҳалок бўлган.
“Олинган маълумотларга кўра, жабрланган ва ҳалок бўлганлар орасида Ўзбекистон фуқаролари қайд этилмаган”, - дейилган ТИВ хабарида.
Воқеа жойига автобус ташкил этилган. Ўзбекистонликлар Олмаота-Тошкент йўналиши бўйлаб ватанга соғ-саломат қайтиб келишган.