ТОШКЕНТ, 24 окт – Sputnik. Тошкент вақти билан соат 20:00 да Ўзбекистондаги сайлов участкалари ёпилди, деб хабар бермоқда Sputnik мухбири.
Мамлакат бўйлаб барча сайлов участкалари ёпилди. Комиссия аъзолари овозларни ҳисоблашни бошлашди.
Чет эллардаги Владивосток, Токио, Сеул, Кванджу, Пекин, Шанхай, Гуанджоу, Куала-Лумпур ва Сингапур шаҳарларидаги сайлов участкаларида ҳам овоз бериш жараёнлари якунланган. Ушбу сайлов участкаларида овоз бериш натижаларини аниқлаш, бюллетенларни санаш жараёнлари бошланган.
МСК маълумотларига кўра, сайловнинг дастлабки натижалари эртага, 25 октябрь куни соат 16:00 да эълон қилинади.