ТОШКЕНТ, 22 окт - Sputnik. Афғонистон собиқ вице президенти Амрулла Солиҳ мамлакатнинг Покистон томонидан "оккупация қилиб олинишига" қарши курашишга чорлади, деб хабар бермоқда РИА Новости.
"Ёдингизда бўлсин: Афғонистон Покистон уни ютиб юбориши учун жуда катталик қилади. Бу вақт масаласи. Барча жабҳаларда қаршилик кўрсатиш – бу бизнинг ғуруримиз ва оккупацияни тўхтатишнинг ягона ечимидир. Афғонистоннинг кулдан ўзини қайта тиклай олиши – бу вақт масаласи", – деб ёзган Солиҳ Twitter ижтимоий тармоғида.
Қобулда ҳукумат "Толибон"* ҳаракати томонидан қўлга олингач, Солиҳ ўзини Афғонистон президенти вазифасини бажарувчи деб эълон қилган эди. Бу унинг ўша вақтдан буён интернетдаги биринчи чиқишидир.
Собиқ амалдорнинг сўзларига кўра, "Афғонистон Покистон томонидан оккупация қилиб олингач икки ярим ой ўтиб" республика ЯИМи тахминан 30%га пасайган, қашшоқлик даражаси 90%га етган, аёллар "уй қуллигида" сақланмоқда, ҳукумат органлари эса ўз фаолиятини деярли тўхтатган.
* Россияда тақиқланган террорчи ташкилот.