ТОШКЕНТ, 20 окт - Sputnik. Нью-Йоркда жарроҳлар ген-модификацияланган чўчқа буйрагини инсонга кўчириб ўтказиш операциясини муваффақиятли амалга оширдилар, аъзо нормал ишламоқда, деб ёзади New York Times.
Операцияни бажарган Нью-Йорк трансплантология институти директори Роберт Монтгомерининг сўзларига кўра, буйрак - мияси ўлган ва сунъий нафас олдириш аппаратига уланган ҳолатда бўлган инсонга кўчирилган. Буйрак кўчириб ўтказилиши биланоқ ишлай бошлади, деб хабар қилмоқда шифокор.
"Бу жуда катта ютуқ. Катта муваффақият. Лекин биз орган иш фаолияти давомийлиги ҳақида ҳали кўпроқ билиб олишимиз керак бўлади", -дейди тадқиқотда иштирок этган трансплантация жарроҳлиги бўйича олим.
Нашрнинг ёзишича, агар олимлар чўчқаларнинг инсонга кўчириб ўтказилиши мумкин бўлган органларини ўстириш имконини топсалар, бу трансплантацияга навбатда турган 100 минг нафар америкаликлар учун ечим бўлиб хизмат қилади. Навбат кутаётганларнинг 90 мингги айнан буйракка муҳтож.
Нашрнинг қайд этишича, тадқиқот натижалари ҳали экспертлар томонидан баҳоланмаган ва чоп этилмаган.