ТОШКЕНТ, 13 окт – Sputnik. Бугун МСКнинг навбатдаги йиғилиши бўлиб ўтди.
Йиғилишда МСК аъзолари ҳамда масъул мутасаддилар иштирокида президентлик сайловларига тайёргарлик кўриш бўйича кун тартибига қўйилган масалалар муҳокама қилинди.
МСК Раисининг ўринбосари Баҳром Қўчқоровни сўзларига кўра, таклиф этилаётган сайлов участкаларга видеокузатув камералари ўрнатилади, овоз бериш жараёнлари Марказий сайлов комиссиясининг Saylov2021.uz сайлов портали, Матбуот марказидаги катта ҳажмдаги мониторда ва “Ўзбекистон24” телеканалида ҳамда Марказий сайлов комиссияси биносида онлайн трансляция қилиб борилади.
Трансляция вақти 24 октябрь куни соат 8.00 дан 20.00 гача этиб белгиланди.