ТОШКЕНТ, 29 сен – Sputnik. Ижтимоий тармоқларда Тошкент шаҳридаги “Қорасарой” турар-жой мажмуаси яқинида 5 ёшли болани номаълум шахс автомобилига ўтқизмоқчи бўлгани ҳақидаги овозли хабар тарқалмоқда. Пойтахт ИИББ бу маълумотни текшириб, ёлғон эканини хабар қилди.
“Тошкент шаҳри ҳудудида бола ўғирлангани билан боғлиқ ҳолат қайд этилмаган”, - дейилган хабарда.
Идора ёлғон ахборот тарқатиш учун Ўзбекистон қонунчилигида жавобгарлик кўзда тутилганини эслатган.
Шунингдек, ИИББ фуқароларга фарзандларига ширинлик таклиф қилиб, номаълум уйга кириш, бегона автомобилга минишга чорловчи бегоналардан эҳтиёт бўлишни ўргатишни тавсия қилган.