ТОШКЕНТ, 20 сен – Sputnik. Ўзбекистонда “Lada” автомобилларини серияли ишлаб чиқариш бошланди. Бу ҳақда республикада Россия автомобилларининг расмий импортчиси ҳисобланган “Roodell” компанияси хабар қилди.
Таъкидланишича, йирик узелли йиғиш усулида (SKD) биринчи бўлиб “Lada Vesta SW” ва “Lada XRAY” моделларини ишлаб чиқиш йўлга қўйилган. Тез орада улар сафига “Lada Largus” ҳам қўшилади.
Ишлаб чиқариш “Жиззах” эркин иқтисодий зонасидаги “ADM Jizzakh” корхонасида йўлга қўйилган.
Компания хабарига кўра, маҳаллий йиғиш “Lada” автомобилларини истеъмолчилар учун (биринчи навбатда, кредит дастурлари ва Trade-in туфайли) янада арзонроқ қилади.
2020 йилда Ўзбекистонда 18 та дилерлик марказини ўз ичига олган “Roodell” дилерлик тармоғи орқали 5000 дан зиёд “Lada” автомобиллари сотилган.