ТОШКЕНТ, 13 сен – Sputnik. Ўзбекистонда “Марказий Осиё дунё цивилизациялари чорраҳасидаʼʼ халқаро маданий форуми ва Маданий мерос ҳафталиги доирасида мамлакат маданий меросини ўрганиш, сақлаш ва оммалаштириш бўйича Бутунжаҳон жамиятининг “Ўзбекистон маданий мероси - Янги ренессанс пойдевори” конгресси бўлиб ўтмоқда, дея хабар бермоқда Sputnik мухбири.
Конгрессда дунёнинг 46 мамлакатидан ташриф буюрган икки юзга яқин олим ва мутахассислар, етакчи шарқшунослар, экспертлар, тадқиқотчилар, қўлёзмалар ва миниатуралар бўйича мутахассислар иштирок этяпти.
Унда нутқ сўзлаган ЮНEСКО бош директори ўринбосари Эрнесто Оттоне ташкилот билан ҳамкорликда Ўзбекистон ўтказилаётган ушбу форум маданий меросларни сақлаш, уни ривожлантириш борасида катта ишларга йўл очишини қайд этди.
“Ўзбекистон катта бой маданий меросга эга мамлакат ҳисобланади. Биз бу форумда, айниқса, Марғилон ва унинг атрофидаги маданий мерос объектлари, ҳунармандчиликка алоҳида эътибор қаратмоқчимиз. Ичан қалъадаги масжидни сақлаб қолиш ҳам эътиборимиз марказида. Яна шуни алоҳида таъкидлашни истардимки, маданий меросни сақлаш ва ривожлантиришда мадиният марказларининг роли катта аҳамиятга эга. Биз мамлакат раҳбари билан биргаликда маданий меросни сақлаш ривожлантириш тарафдоримизʼʼ, - деди у.
Конгрессда сўзга чиққанлар бу ташаббус жуда муҳим эканлигини таъкидлашди.
В Ташкенте стартовал V Международный конгресс "Культурное наследие Узбекистана - фундамент нового Ренессанса"
© Sputnik
Маданий мерос ҳафталиги доирасида ўзбек санъатининг жаҳон ва маҳаллий тўпламлар сақланаётган дурдоналарига бағишланган “Ўзбекистон маданий мероси дунё тўпламларидаʼʼ туркумидаги 50 та ноёб китоб альбом тақдимоти бўлиб ўтади.
В Ташкенте стартовал V Международный конгресс "Культурное наследие Узбекистана - фундамент нового Ренессанса"
© Sputnik