ТОШКЕНТ, 3 сен — Sputnik. Пара енгил атлетиканинг F12 классида аёллар ўртасида ядро улоқтириш бўйича финал баҳслари якунланди.
Ўзбекистонлик спортчи Сафия Бурханова 14.78 метр натижа билан олтин медални қўлга киритди. Бу мавсумдаги энг яхши натижа сифатида ҳам қайд этилди.
Сафия Бурханова Рио-2016 ёзги Паралимпия ўйинларида кумуш медалини қўлга киритган эди.
Шу тариқа Ўзбекистон делегацияси ҳисобидаги медаллар сони 17 тага етди: 7 та олтин, 4 та кумуш ва 6 та бронза.