ТОШКЕНТ, 28 авг — Sputnik. Бугун Токиода ўтаётган Паралимпия ўйинларида Ўзбекистон спортчилари яна 1та олтин, 2та кумуш ва 1та бронза медални қўлга киритди.
Хусусан, пара дзюдо баҳсларида эркаклар ўртасида -73 кг вазн тоифасида Феруз Саидов финалда қозоғистонлик Темиржан Даулет устидан иппон баҳоси эвазига ғалаба қозонди ва олтин медалга сазовор бўлди.
Члены сборной Узбекистана на Паралимпиаде в Токио-2020
Пара пауэрлифтинг бўйича аёллар ўртасида -61 кг вазн тоифасида Рўза Қўзиева 130 кг тошни бўйсундирган ҳолда кумуш медалга сазовор бўлди.
Руза Кузиева
© Национальный олимпийский комитет Узбекистана
Пара дзюдо баҳсларининг аёллар ўртасида -57 кг вазн тоифасида Парвина Самандарова финалда озарбайжонлик Севда Валиевага қарши ўз баҳсини якунлади.
Члены сборной Узбекистана на Паралимпиаде в Токио-2020
Самандарова вазари баҳоси эвазига рақибасига имкониятни бой бериб, Паралимпия ўйинларининг кумуш медалига сазовор бўлди.
Пара дзюдо баҳсларида аёллар ўртасида -63 кг вазн тоифасида Нафиса Шерипбоева бронза медаль учун кечган баҳсда испаниялик Марта Арчега қарши татамига чиқди.
Члены сборной Узбекистана на Паралимпиаде в Токио-2020
Қизиқарли кечган курашда Шерипбоева иппон баҳоси эвазига 10:0 ҳисобида ғалаба қозонди ва бронза медалга сазовор бўлди.
Пара дзюдо баҳсларида эркаклар ўртасида -81 кг вазн тоифасида Довурхон Кароматов олтин медаль учун кечган финал баҳсида иштирок этди.
Члены сборной Узбекистана на Паралимпиаде в Токио-2020
Финалда унга озарбайжонлик Хусейн Рахимли рақиблик қилди. “Олтин очколар”га қадар кечган курашда Кароматов иппон баҳоси билан имкониятни бой берди ва кумуш медалга сазовор бўлди.
Ўзбекистон ҳисобидаги медаллар сони 11 тага етди: 4 та олтин, 4 та кумуш ва 3 та бронза.