ТОШКЕНТ, 24 авг – Sputnik. Токио-2020 XVI ёзги Паралимпия ўйинларида Ўзбекистон байроқдорларидан бири ўзгарди. Бу ҳақда Туризм ва спорт вазирлиги матбуот хизмати хабар бермоқда.
Маълум бўлишича, дзюдо бўйича бир нафар ўзбекистонлик спортчи ва мураббийда коронавирус аниқланган ва улар Токио шаҳрида карантинга олинган.
Шунингдек, енгил атлетика бўйича терма жамоа аъзоси ва байроқдор Нурхон Қурбонова самолётда уларга яқин масофада бўлганлиги боис карантинга олинган. Шу сабабли у Паралимпиада ўйинларнинг очилиш маросимида байроқдор сифатида иштирок эта олмайди.
Ўзбекистон Миллий паралимпия қўмитаси параканоэ бўйича Жаҳон чемпиони Шаҳноза Мирзаева Мухаммад Рихсимов билан биргаликда байроқдор сифатида иштирок этиши таклифини маъқуллади.