ТОШКЕНТ, 24 авг — Sputnik. Украина ташқи ишлар вазири ўринбосари Евгений Енин маълум қилишича, ўтган ҳафта украиналикларни Aфғонистондан эвакуация қилиши керак бўлган Украина самолёти номаълум шахслар томонидан ушланиб, бошқа йўловчилар бирга Эронга олиб кетилди.
Душанба куни кечқурун Aфғонистондан эвакуация қилинган фуқаролар билан учинчи самолёт Украинага етиб келди, бортда 98 нафар йўловчи бўлган, улардан 41 нафари Украина фуқароси.
"Бизнинг самолётни бошқа одамлар қўлга олишди. Ўтган сешанба куни самолётимиз ўғирлаб кетилди - у украиналикларни олиб кетиш ўрнига номаълум йўловчилар гуруҳи билан Эронга учиб кетди", - деди у маҳаллий радио эфирида.
Аммо у воқеа қандай тугаганига аниқлик киритмади.
"Фуқароларни эвакуация қилиш бўйича кейинги учта уринишимиз ҳам муваффақиятсиз тугади, чунки йўловчиларимиз аэропортга кира олишмади", - деб қўшимча қилди Украина ТИВ ўринбосари.