ТОШКЕНТ, 10 авг — Sputnik. Тошкент шаҳрининг Чилонзор туманида "Газель" ва Lacetti иштирокида йўл-транспорт ҳодисаси рўй берди. Бу ҳақда ЙҲХББ матбуот хизмати хабар бермоқда.
Ҳодиса 10 август куни соат 07:10 ларда Бунёдкор ва Дўмбиробод кўчалари кесишган чорраҳада содир бўлган. 38 ёшли Ш.Г. бошқарувидаги “Газель” ва 69 ёшли К.Ю. бошқарувидаги “Lacetti” ўзаро тўқнашиб кетган.
Натижада “Газель” ағдарилиб кетган. Унинг ҳайдовчиси ва олти нафар йўловчисига, шунингдек, “Lacetti”нинг бир нафар йўловчисига биринчи тез тиббий ёрдам кўрсатилган.
Ҳолат юзасидан суриштирув олиб борилмоқда.