ТОШКЕНТ, 31 июл — Sputnik. Андижон вилояти Бўстон тумани ҳокими Садбархон Мамитова вафот этди.
Садбархон Мамитова 1966 йил Андижон вилояти Жалақудуқ туманида туғилган. 1982-1986 йилларда Наманган қишлоқ хўжалиги техникумида ўқиган, 1993 йил Тошкент давлат аграр университетини тамомлаган.
Мамитова Жалақудуқ туманида турли лавозимларда меҳнат қилган, 2007-08 йилларда туман ҳокими ўринбосари вазифасини бажарувчи бўлган, 2019-2020 йилларда “Юксалиш” умуммиллий ҳаракати Андижон вилояти ҳудудий бўлими раҳбари сифатида фаолият кўрсатган. 2019 йил декабрдаги сайловларда халқ депутатлари Андижон вилояти кенгашига депутат этиб сайланган.
2020 йил 4 март кунидан ҳозиргача Бўстон тумани ҳокими сифатида фаолият олиб бораётган эди.