ТОШКЕНТ, 29 июл - Sputnik. Ўзбекистон президенти Шавкат Мирзиёев, бугун Олмалиқ кон-металлургия комбинати таркибидаги "Ёшлик I" кони негизида 3-мис бойитиш фабрикаси қурилишига тамал тоши қўйди, деб хабар қилмоқда Sputnik мухбири.
Шавкат Мирзиёев заложил первый камень в строительство третьей медно-обогатительной фабрики АГМК
© Пресс-служба президента Узбекистана
Янги мис бойитиш фабрикасининг йиллик қуввати 60 млн тонна бўлади ва у икки босқичда амалга оширилади:
1 босқич: 2021 -2025 йилларга қадар 290 минг тонна мис катоди, 38 тонна олтин ва203 тонна кумуш;
2 босқич: 2024-2028 йилларда 400 минг тонна мис катоди, 50 тонна олтин ва 270 тонна кумуш олиш режалаштирилган.
Янги конда қимматбаҳо металларни қазиб ва ажратиб олишнинг самарали ва замонавий услубларидан фойдаланилади. Хусусан, мисни флотация усули билан ажратиб олиш, сорбцион эритмага ўтказиш орқали олтин ажратиб олиш ва бошқа технологиялар.
Янги корхонада технологик жараёнлар максимал даражада автоматлаштирилган бўлади. Хусусан, майдаланган руда, тайёр маҳсулот ва чиқинди рудалар барча ўз омборларига ёки эритиш цехларига конвейер ёрдамида автоматлаштирилган тартибда ююборилади.
Олмалиқдаги ушбу мис бойитиш корхонасини қуриш учун Ўзбекистон Россиянинг Етакчи консорциуми - Enter Engineering компанияси ҳамда "Газпромбанк"нинг "Уралмашзавод" корхонаси билан ҳамкорликни йўлга қўйган.
Келишувга асосан Enter Engineering ва "Уралмашзавод" Олмалиқдаги мис бойитиш комбинатини қуриб "тайёр ҳолатда" Ўзбекистонга топшириши керак. Бунда Enter Engineering объект қурилиши ва лойиҳалаш ишларини бажаради "Уралмашзавод" эса - керакли аспоб ва ускуналарни етказиб беради.
Олмалиқдаги янги мис бойитиш корхонаси 2024 йилда ишга тушганидан сўнг бу ерда 6 мингта янги иш ўринлари яратилади.