ТОШКЕНТ, 2 июл — Sputnik. АҚШ ва НАТО қўшинлари 4 июлга қадар Афғонистондан олиб чиқилади. Бу ҳақда Telegraph Буюк Британия бош штаби раҳбари Ник Картерга яқин манбага асосланиб хабар берди.
"Биз барчамиз 4 июлда тарк этамиз. Британиянинг асосий миссияси ҳам 4 июлга қадар якунланади", - деди манба.
Оқ уй раҳбари Жо Байден Афғонистондан 11 сентябрга қадар ҳарбийларни олиб чиқиб кетиш режалари ҳақида эълон қилганди. Бироқ, режаларни ўзгартиришга тўғри келди. Сабаблардан бири – “Толибон” радикал ҳаракатининг (Россияда тақиқланган ташкилот) босими бўлиши мумкин.
Эслатиб ўтамиз, илгарироқ АҚШ Тожикистон, Қозоғистон ва Ўзбекистондан америкаликларга ёрдам берган 9 мингга яқин афғонларни вақтинча жойлаштиришни сўрагани ҳақида Bloomberg нашри хабар берганди.